Uns millonarios urbanitas condenados a vivir no campo e a traballar a terra. A aventura de rehabilitar unha casa no rural galego. Unha historia de amor entre o millo. Unha chea de animais retranqueiros que parolan entre eles e que nunca deixan de sorprenderse do parvos que poden ser os humanos. Estas historias, e máis, dan inicio a Vacas, porcos e zapatos de tacón, unha película para televisión ambientada nos concellos de Aranga, Irixoa e Oza dos Ríos, adscritos ao Proxecto Mandeo, e unha visión en clave de comedia sobre o neorruralismo e o regreso ás nosas raíces.